MEG

Magnetoentzefalografia (MEG) garuneko kortexaren aktibitatea neurtzeko metodo ez-erasokorra da; oso denbora-bereizmen ona eskaintzen du eta baita espazio-bereizmen fina ere. Garuneko jarduera mapeatzeko erabiltzen da, neuronen komunikazioan sortzen diren korronte elektrikoek sortutako eremu magnetikoak grabatuz.

Informazio honek burmuinaren atal jakin bat noiz eta non aktibatzen den zehazten du, MEG teknikak eskaintzen duen denbora eta espazio-bereizmen bikainari esker. Hau funtsezkoa da gure gaitasun linguistikoek burmuinean nola jarduten duten eta garunaren estruktura eta funtzioen arteko harremanak nolakoak diren ulertzeko.

BCBLko MEG instalazioak 306 sentsoredun (204 gradiometro lau eta 102 magnetometro, kasko egitura batean jarriak) Elekta Neuromag® gailua dauka, 16 kako-digital eta input analogikoko 8 kanal osagarrirekin. Sistema horrek estimulu bisual eta entzumenezkoa bereizteko aukera ematen du, eta parte-hartzailea zutik zein eserita dagoela egin daitezke grabazioak. MEG tresnak, gainera, 64 kanaleko EEG sistema barne hartzen du (60 kanal banako eta 4 elektrodo bereizgarri), MEG eta EEG grabazioak aldi berean egin ahal izateko. Grabazio horiek 8 kHz-erainoko (5 kHz estandar) laginketa-tasan jaso daitezke, bai AC edo bai DC moduan.

BCBLko magnetoentzefalografiak babes pasiboa daukate kanpoko zarata murrizteko, eta horrekin batera MaxFilter™ softwarea ere badu, tresna-hotsak zein kanpoko eta barruko zarata-iturriak iragazteko. Datuen analisirako, Elekta Neuromag® analisi aurreratudun softwarea dakar, eta halaber, jasotako datuak modelatzeko eta aurkezteko tresna oso eraginkorrak dauzka.